Ağstafa Rayon İcra Hakimiyyətinin inzibati binasında keçirilən tədbirdə başçının müavinləri, Tovuz-Qazax Regional Təhsil İdarəsinin Ağstafa Sektorunun məsul şəxsləri, rayonun ümumtəhsil və məktəbəqədər təhsil müəssisələrinin direktorları iştirak ediblər.
Tədbirdə Ağstafa rayonunda 2023/2024-cü tədris ilində əldə olunan uğurlar və qarşıda duran mühüm vəzifələr müzakirə edilib. RİH başçısı qeyd edib ki, son illərdə Heydər Əliyev Fondu tərəfindən Həsənsu kəndində və Vurğun qəsəbəsində ən müasir tələblərə cavab verən tam orta məktəb binalarının tikilərək istifadə verilməsi, eyni zamanda, Fond tərəfindən inşa olunaraq yaxın zamanda istifadəyə verilməsi nəzərdə tutulan Zəlimxan kənd tam orta məktəb binası ümumilikdə Ağstafa təhsili üçün göstərilən yüksək diqqət və qayğının bariz nümunəsidir.
Görüşdə təhsil işçilərinin təkllif və rəyləri dinlənilərək qəbul olunub.
Azərbaycan Respublikasının Prezidenti İlham Əliyevin müvafiq Sərəncamı ilə ölkəmizdə 2024-cü ilin “Yaşıl dünya naminə həmrəylik ili”nin elan ilə bağlı Ağstafa RİH-in Tədbirlər Planına uyğun olaraq, atmosferə atılan karbon qazlarının azaldılması məqsədi ilə Ağstafa şəhərində yaşayış binalarının ətrafında yaşıllıq zonaları salınır. Hüseyn Arif küçəsində yerləşən 88 mənzilli 4 və 6 saylı yaşayış binalarının ətrafında təşkil olunan növbəti ağacəkmə aksiyasında RİH başçısı Seymur Orucov, rayonun hüquq-mühafizə orqanlarının rəhbərləri, məsul şəxslər, könüllü gənclər və ictimaiyyət nümayəndələri iştirak ediblər. Aksiya çərçivəsində ərazidə şam ağacı tingləri və dekorativ kollar əkilib, yerə ot çimləri döşənib, yaşıllıqlara müvafiq aqrotexniki qulluq göstərilib.
