8 noyabr prospektinin yenidənqurulması ilə bağlı layihədə bəzi dəyişikliklərin edildiyi iddia edilir.
“Prospektin layihəsindən geniş səki və velozolaqların çıxarıldığı düşünülür.
Buna səbəb isə sosial şəbəkələrdə paylaşılan fotolarda prospektin “Amay” ticarət mərkəzi hissəsində yeni bordür daşlarının artıq düzülməsi və onun hüdudlarının köhnə dar səki ilə eyni yerdə olmasıdır.
Azərbaycan Avtomobil Yolları Dövlət Agentliyinin (AAYDA) mətbuat katibi Anar Nəcəfli “Ölkə.Az”a açıqlamasında bildirdi ki, layihədə hər hansı dəyişiklik yoxdur:
“8 noyabr prospektinin layihəsində nəzərdə tutulanlar icra olunur. Layihədə nəzərdə tutulan hər hansı yeniliyin həyata keçirilməməsi mümkün deyil”.
“Prospekt boyunca velosiped zolaqlarının salınması, piyada səkilərinin bərpası, bufer zonanın təşkili nəzərdə tutulub və bununla bağlı işlər aparılır”, - deyə qurum nümyəndəsi əlavə edib.
