fotofakt

Sürücülərin nəzərinə: Fevralın 1-dən...

Tarix:29-01-2024, 10:22
Baxış Sayı:1

Sürücülərin nəzərinə: Fevralın 1-dən...

Fevralın 1-dən nəqliyyat vasitələrinin dövlət texniki baxışının keçirilməsinin məqsədlərindən biri də utilizasiya haqqının ödənilməsi barədə sənədin olmasına nəzarəti təmin etmək olacaq.

Bu, Daxili İşlər Nazirliyinin Kollegiyasının “Nəqliyyat vasitələrinin texniki vəziyyətinə və onların təhlükəsiz hərəkətinin təmin edilməsinə Dövlət Yol Polisinin nəzarəti qaydaları barədə Təlimat”da etdiyi dəyişiklikdə əksini tapıb.

Nəqliyyat vasitəsinə texniki baxışın keçirilməsi zamanı utilizasiya haqqının yalnız bank, poçt, plastik kart, elektron ödəmə sistemləri və ya internet vasitəsilə ödənilməsi də təmin olunmalıdır.

Qeyd edək ki, “Tullantılar haqqında” qanuna əsasən, utilizasiya haqqı iki halda alınacaq. Fevralın 1-dən gömrük ərazisinə gətirilən və istehsal-buraxılış vaxtından 4 (dörd) il keçən minik avtomobillərinin (raritet minik avtomobilləri və gömrük ərazisinə müvəqqəti gətirilən minik avtomobilləri istisna olmaqla) gömrük rəsmiləşdirilməsi zamanı utilizasiya haqqı alınacaq. Eyni zamanda mütəmadi olaraq dövlət texniki baxışı üzrə utilizasiya haqqı ödəniləcək.

Başqa sözlə, qanuna əsasən, avtomobillər istehsal olunduqları vaxtdan dörd il keçdikdə iki ildə bir dəfə, istehsal olunduqları vaxtdan on il keçdikdə ildə bir dəfə dövlət texniki baxışından keçməlidir və bu zaman hər dəfə utilizasiya haqqının ödənilməsi də tələb olunacaq.

Prezident İlham Əliyevin 22 avqust 2023-cü il tarixli sərəncamına əsasən, Ekologiya və Təbii Sərvətlər Nazirliyi Ədliyyə Nazirliyi, Daxili İşlər Nazirliyi, İqtisadiyyat Nazirliyi, Azərbaycan Respublikasının Maliyyə Nazirliyi, Azərbaycan Respublikasının Fövqəladə Hallar Nazirliyi Müdafiə Nazirliyi, Kənd Təsərrüfatı Nazirliyi, Dövlət Gömrük Komitəsi, “Təmiz şəhər” Açıq Səhmdar Cəmiyyəti və icra prosesində müəyyən ediləcək digər aidiyyəti dövlət orqanları (dövlətin hüquqi şəxsləri) ilə razılaşdırmaqla utilizasiya haqqının məbləğini, güzəşt məbləğini və birdəfəlik ödənişin həcmi ilə bağlı təkliflərini Nazirlər Kabinetinə təqdim etməli idi.

Xatırladaq ki, Prezident İlham Əliyevin 27 yanvar tarixli sərəncamına əsasən, Azərbaycan Respublikası dövlət büdcəsinin tərkibində “Nəqliyyat vasitələrinin utilizasiyası fondu” yaradılıb. Maliyyə Nazirliyi və “Təmiz şəhər” Açıq Səhmdar Cəmiyyətinə bu sərəncamdan irəli gələn məsələləri həll etmək tapşırılıb. Bu sərəncam da 2024-cü il fevralın 1-dən qüvvəyə minir.

Nabranın girişində yerləşən "Oazis" restoranı ilə bağlı ciddi qanun pozuntuları – Vergidən yayınma və əmək hüquqlarının tapdanması iddiaları
Nabranın girişində yerləşən "Oazis" restoranı ilə bağlı ciddi qanun pozuntuları – Vergidən yayınma və əmək hüquqlarının tapdanması iddiaları
Tahir Məmmədov – Yasamalın inkişafına töhfə verən nüfuzlu bələdiyyə sədri
Tahir Məmmədov – Yasamalın inkişafına töhfə verən nüfuzlu bələdiyyə sədri
Xidmətə sadiq bir rəhbər: Qaradağ Rayon Mənzil-Kommunal Təsərrüfatı Birliyinin rəisi Namizəd İsmayılovun uğurlu idarəçilik yolu
Xidmətə sadiq bir rəhbər: Qaradağ Rayon Mənzil-Kommunal Təsərrüfatı Birliyinin rəisi Namizəd İsmayılovun uğurlu idarəçilik yolu
Enerji sektorunda dayanıqlı inkişafın təməlini qoyan şəxsiyyət – “Azərenerji” ASC-nin vitse-prezidenti Ziyəddin Quliyev
Enerji sektorunda dayanıqlı inkişafın təməlini qoyan şəxsiyyət – “Azərenerji” ASC-nin vitse-prezidenti Ziyəddin Quliyev
Un və çörək sektorunun tanınmış siması – Məhərrəm Şəfiyev
Un və çörək sektorunun tanınmış siması – Məhərrəm Şəfiyev
Teatrın Səhnəarxası Qəhrəmanı – Ədalət Hacıyevin Mədəniyyətə Həsr Olunmuş Həyat Yolu
Teatrın Səhnəarxası Qəhrəmanı – Ədalət Hacıyevin Mədəniyyətə Həsr Olunmuş Həyat Yolu
Nuray Həsənzadə belə qalib oldu-Fotolar
Nuray Həsənzadə belə qalib oldu-Fotolar
Ucarda “Karyerada inkişaf naviqatoru” layihəsi baş tutub
Ucarda “Karyerada inkişaf naviqatoru” layihəsi baş tutub