fotofakt

Paytaxtda skuterlər üçün parkinq tarifləri müəyyənləşəcək? – RƏSMİ AÇIQLAMA

Tarix:1-02-2024, 14:00
Baxış Sayı:1

Paytaxtda skuterlər üçün parkinq tarifləri müəyyənləşəcək? – RƏSMİ AÇIQLAMA

Qısa məsafələri qət etmək üçün elektrik skuterlərdən istifadə artıq bütün dünyada kütləviləşir. Velosiped infrastrukturu olan şəhərlərdə vətəndaşlar bu imkanlardan daha geniş yararlanırlar. Qurulan infrastruktur qlobal şirkətlərin Bakıda fəaliyyətlərini genişləndirməsinə şərait yaradıb. Artıq şəhərin mərkəzində skuter icarəsi ilə məşğul olan beynəlxalq şirkətlərin mikromobillik vasitələrini görmək mümkündür. Skuterdən istifadənin arealının genişlənməsi həm də tıxacların azalmasında mühüm rol oynaya bilər.

Qeyd edək ki, Azərbaycan Yerüstü Nəqliyyat Agentliyi skuterlər üçün parklanma zolaqlarının ayrılmasını həyata keçirib. Lakin hələki avtomobillərdən fərqli olaraq, skuterlər üçün parkinq ödənişi tələb olunmur. Gələcəkdə parkinq üçün tariflərin müəyyən olunub-olunmayacağı isə hələlik müzakirə mövzusu deyil.

Nəqliyyat eksperti Elməddin Muradlı xarici təcrübədə də skuterlərlə bağlı parkinqə görə ödənişin olmadığını bildirib:

“Dünyanın heç bir yerində skuterlərdən parkinq üçün ödəniş tələb olunmur. Azərbaycanda da skuterlərə heç bir rüsum tətbiq olunmayıb”.

Məlumat üçün bildirək ki, təhlükəsizlik məqsədilə skuterlər yalnız velosiped zolaqları ilə 25 km-dən çox olmayan sürətlə hərəkət edə bilərlər. Yol kəsişmələrində isə sürət saatda 15 km keçməməlidir. Skuter icarəsi üçün hazırlanan tətbiqlərdə sürət həddinə nəzarətlə bağlı funksiyalar yaradılıb.

Bəs, qaydanı pozan skuterlər üçün cərimə tətbiq olunurmu?

Bakı Şəhər Dövlət Yol Polisinin mətbuat katibi Toğrul Nəsirli Bizim.Media-ya bildirib ki, paytaxt ərazisində skuter idarə edənlərin sayı günü-gündən çoxalır və bu da öz növbəsində yol-nəqliyyat hadisələrinin başvermə riskini daha da artırır:

“Çünki, hər gün istər avtomobil sürücüləri, istərsə də piyadalar tərəfindən skuterlərlə bağlı şikayətlər daxil olur. Bu tip nəqliyyat vasitəsini idarə edən bəzi şəxslər yollarda xaotik hərəkətlər edərək sürücülərə, səkilərdə isə piyadalara ciddi təhlükə yaradırlar ki, belə hallar da yolverilməzdir.

Skuterləri nəzərdə tutulan xüsusi yerlərdə, velosiped zolaqlarında, həmçinin yolun sağ zolağı ilə nəqliyyat axınına mane olmadan idarə etmək lazımdır”.

“Bütün bunları nəzərə alaraq bir daha skuter sürücülərindən xahiş edirik ki, təhlükəsizlik qaydalar ilə yanaşı yol hərəkəti qaydalarına da biganə yanaşmasınlar, əks halda barələrində qanunamüvafiq tədbirlər həyata keçiriləcək.

Unutmaq olmaz ki, ani diqqətsizlik yol-nəqliyyat hadisələrinin baş verməsinə səbəb ola bilər” – deyə, Torğul Nəsirli əlavə edib.

Rafiq müəllim: Tarixi nailiyyətlər, strateji hədəflər
Rafiq müəllim: Tarixi nailiyyətlər, strateji hədəflər
Namizəd İsmayılov – Qaradağ Rayonunun Təmizlik və Abadlıq Simalı
Namizəd İsmayılov – Qaradağ Rayonunun Təmizlik və Abadlıq Simalı
Nabranın girişində yerləşən "Oazis" restoranı ilə bağlı ciddi qanun pozuntuları – Vergidən yayınma və əmək hüquqlarının tapdanması iddiaları
Nabranın girişində yerləşən "Oazis" restoranı ilə bağlı ciddi qanun pozuntuları – Vergidən yayınma və əmək hüquqlarının tapdanması iddiaları
Tahir Məmmədov – Yasamalın inkişafına töhfə verən nüfuzlu bələdiyyə sədri
Tahir Məmmədov – Yasamalın inkişafına töhfə verən nüfuzlu bələdiyyə sədri
Xidmətə sadiq bir rəhbər: Qaradağ Rayon Mənzil-Kommunal Təsərrüfatı Birliyinin rəisi Namizəd İsmayılovun uğurlu idarəçilik yolu
Xidmətə sadiq bir rəhbər: Qaradağ Rayon Mənzil-Kommunal Təsərrüfatı Birliyinin rəisi Namizəd İsmayılovun uğurlu idarəçilik yolu
Enerji sektorunda dayanıqlı inkişafın təməlini qoyan şəxsiyyət – “Azərenerji” ASC-nin vitse-prezidenti Ziyəddin Quliyev
Enerji sektorunda dayanıqlı inkişafın təməlini qoyan şəxsiyyət – “Azərenerji” ASC-nin vitse-prezidenti Ziyəddin Quliyev
Un və çörək sektorunun tanınmış siması – Məhərrəm Şəfiyev
Un və çörək sektorunun tanınmış siması – Məhərrəm Şəfiyev
Teatrın Səhnəarxası Qəhrəmanı – Ədalət Hacıyevin Mədəniyyətə Həsr Olunmuş Həyat Yolu
Teatrın Səhnəarxası Qəhrəmanı – Ədalət Hacıyevin Mədəniyyətə Həsr Olunmuş Həyat Yolu