Rusiya hərbi təyyarəsindən Belqorod vilayətinə eyni anda 3 bomba düşüb.
Axar.az xəbər verir ki, bu barədə ASTRA nəşri məlumat yayıb.
Bildirilib ki, Şebekino şəhərinin Böyük Qorodişe kəndindən 5 km uzaqlıqda 3 FAB-250 aviabombası düşüb.
Hadisə zamanı xəsarət alan olmayıb, təxliyə barədə məlumat verilmir.
Beləliklə, son 3 ayda Rusiya SQ Belqorod və işğal olunmuş ərazilərə səhvən 73 aviabomba atıb.
Onların arasında “ağıllı” bomba sayılan UMPB D-30SN də var.
