Xəbər verildiyi kimi, ötən gün Qazaxıstan-Qırğızıstan sərhəddində 6,7 bal gücündə zəlzələ baş verib.
Qaynarinfo xəbər verir ki, bu barədə Qazaxıstan Fövqəladə Hallar Nazirliyinin Seysmoloji Müşahidələr və Tədqiqatlar üzrə Milli Elmi Mərkəzi məlumat yayıb.
Zəlzələ Almatı şəhərində 5 bal gücündə hiss olunub. Qazaxıstan Səhiyyə Nazirliyi zəlzələdən sonra Almatıda 44 nəfər həkimə müraciət etdiyini bildirib: "Müxtəlif yüngül və orta dərəcəli xəsarətlər, məsələn, kəllə-beyin travması, qançırlar, əzaların yerindən çıxması kimi xəsarətlər alan 44 nəfər həkimə müraciət edib".
Yanvarın 24-25-də Qazaxıstan prezidenti Kasım-Jomart Tokayev Almatıya səfər edəcək və şəhərdəki vəziyyətlə bağlı müşavirə keçirəcək. Bu barədə dövlət başçısının mətbuat katibi Berik Uali öz "Facebook" səhifəsində məlumat verib.
Dövlət başçısı bir sıra obyektlərə, o cümlədən 2022-ci ilin yanvarında ölkədə baş vermiş etiraz aksiyalarından sonra əsaslı təmir olunmuş inzibati binaya baş çəkəcək.
Bu arada, Almatıda zəlzələ anı kameralara düşüb. Həmin görüntüləri təqdim edirik:
<div data-widget="Player" data-id="record::05eb159f-a2dc-46ef-af98-e395820a3210" data-player-template-id="9318" data-multiplayer-filter-id="48300" data-ad-template-id="6522"></div><script async src="https://vp.rambler.ru/player/sdk.js"></embed>
