Türkiyə milliisinin futbolçusu Arda Gülər Avropa çempionatlarının tarixinə düşüb.
"Real"ın (Madrid) üzvü qitə turnirləri tarixində çıxdığı ilk oyunda qol vuran ən gənc oyunçu (19 yaş 114 gün) adını qazanıb.
O, bu uğura Gürcüstanla keçirilən matçda komandasının ikinci qolunu vurmaqla nail olub.
A.Gülər portuqaliyalı Kriştiano Ronaldunun AVRO-2004-dəki rekordunu (19 yaş 128 gün) yeniləyib.
Qeyd edək ki, AVRO-2024-ün F qrupunun matçında Türkiyə Gürcüstan yığmasına 3:1 hesabı ilə qalib gəlib.
